تحديث حول حالة ابن تامر حسني الصحية
كشف الفنان المصري تامر حسني للمرة الأولى عن تفاصيل الحالة الصحية لنجله آدم، حيث أكد أنه تعرض لانفجار في الزائدة الدودية. وأكد تامر على أهمية متابعة الآباء والأمهات لحالة أبنائهم خصوصًا عند ظهور أعراض مثل السخونة، مشددًا على ضرورة عرضهم على الطبيب بشكل عاجل.
كتب تامر عبر حسابه على “إنستغرام”: “أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا. هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس”.
ممكن يعجبك: فنانة شهيرة ترد بعد شائعات انفصالها عن زوجها
ضرورة الرعاية الصحية للأطفال
شوف كمان: من هي هبة عبدالرحمن السيرة الذاتية ويكيبيديا
تابع: “بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص. لا روحوا اكشفوا كويس واعملوا سونار على البطن والزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريباً أقوى شوية عشان يعرف. لأني سمعت كتير اليومين دول إن الزايدة خادعة”.
دعاء للشفاء والتعافي
واصل تامر حديثه قائلاً: “اطمنوا كذا مرة قبل لحظة انفجارها عشان بجد مشاكل بتحصل بعدها كبيرة ومحزنة أوي. وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر”.
ودعا تامر لنجله بالشفاء قائلاً: “يارب، بحق ، اشفيه وعافيه، هو وكل ولادنا. بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب”.
وأشار إلى تقديره الكبير للدعوات التي تلقاها قائلاً: “وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق.. متشكر أوي يا جماعة شكراً لكل اللي اهتم وسأل عن ابني ودعاله هنا أو على التليفون واللي طلعوله صدقات لشفائه من غير ما يعرفونا شخصياً. أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها.. وربنا يحفظكم ويحفظ أولادكم قادر يا كريم”.