تفاصيل مرض ملك زاهر
روت الفنانة ملك زاهر تفاصيل مرضها الذي حار الأطباء في تشخيصه طوال الفترة الماضية.
وكتبت ملك على خاصية القصص المصورة الملحقة على حسابها الخاص بـ”إنستغرام”، حيث كشفت من خلالها عن تفاصيل مرضها ووجهت رسالة شكر لجمهورها ومحبيها الذين كانوا قلقين عليها خلال الفترة الأخيرة.
مقال له علاقة: استعدوا لموجات حرارية قادمة إلى لبنان
رسالة الشكر للجمهور
كتبت ملك قائلة: “أنا والله ما كنت متوقعة كل اللي حاصل ده. لما حبيت أشارك حالتي الصحية، كنت مخضوضة جدًا على نفسي وفكرة إن لا أنا ولا الدكاترة عارفين عندي إيه كانت رعباني. كنت محتاجة أوصلكم إن حياتي فيها الحلو وفيها الوحش. قلت في الستوري إن الموضوع مش الغرض منه القلق، وإني مش عايزة حد يقلق عليا، أنا كويسة وكده كده أحسن من غيري”.
الإيمان والامتنان
تابعت: “عندي يقين في ربنا إنه هيقومني بالسلامة، وإن شاء الله تبقى حاجة بسيطة بس من خضتي كتبت مع إن دي مش طبيعتي إني أشارك الحاجات السلبية عمومًا. أنا بس مش عارفة أقول إيه، لكن من قلبي بشكر كل حد سأل عليا ودعالي والله كله كان بيوصلني. وأنا آسفة لو مردتش على حد وبشكر كل زمايلي وأساتذتي اللي كانوا بيسألوا عليا يوميًا ومسابونيش لحظة، وكل صحابي وعيلتي اللي كانوا جمبي.”
مقال له علاقة: نادين الراسي تهاجم طليقها: تصريحات نارية حول أولادها (فيديو)
التطورات الصحية
وأردفت ملك زاهر حديثها: “أنا الحمد لله بقيت أحسن من الأول وبطلت أروح المستشفى. بحمد ربنا إنها جت على قد كده حتى لو الأيام اللي فاتت كانت صعبة، واللي عندي ده حاجة مخيفة شوية. وخضتنا بس برضو أنا كويسة والحمد لله إنها جت على قد كده، أكيد ربنا حماني من حاجة أكبر. وأهم حاجة إنه عرف السبب بَطل العجب، والحمد لله إننا عرفنا إنها حساسية شديدة في الموضوع critical.”
ختام الرسالة
واختتمت ملك زاهر حديثها: “بس أنا مطمنة أنا بخف وبتحسن كل يوم الحمد لله والشكر لله ومافيش حاجة خطيرة بإذن الله. وأنا آسفة إذا قلقتكم لكن ده مكانش الغرض أبدًا والله. شكرًا من كل قلبي على الحب ده، أنا عرفت غلاوتي عندكم وعند كل اللي حواليا بشكركم من قلبي.”