تفاصيل أزمة صحية للفنانة الشابة ملك زاهر
كشفت الفنانة الشابة لمتابعيها على وسائل التواصل الاجتماعي عن تفاصيل تعرضها لأزمة صحية مفاجئة، كما شاركتهم بعض جوانب حياتها الشخصية.
ممكن يعجبك: جديد الغارات الإسرائيلية على سوريا مع فيديو
رسالة عبر إنستجرام
كتبت ملك زاهر عبر حسابها الرسمي بموقع “إنستجرام”: “أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار وبين صحابي”.
التعليقات السلبية وتأثيرها
وأضافت: “بس بجد حاسة أن الفترة الأخيرة بيجيلي كومنتس كلها ما انتي عايشة ومبسوطة واحنا مش عايشين، وايه كل اللي انتو فيه وحاسة إن في الناس بصة علي أتفه الحاجات اللي ممكن تكون عندي بتبسطني، زي مثلا اني انزل اروح الجيم أو اخرج مع صحابي أو يكون شكلي حلو وأنا رايحة إيفينت معين”.
الإفصاح عن المعاناة الشخصية
وتابعت: “حبيت بس أقولكم إن الحياة مش وردي. أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة. وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني. أنا فيه ده ونفسيتي وحشة أوي”.
مشاركة التجارب الحياتية
وأكملت: “أنا بحكي الكلام ده عشان تعرفوا بس إن حياتي فيها الحلو والوحش، والله زي أي حد، بس أنا بحب دايمًا أشير الحلو بس وغالبًا ده غلط فقررت أشارككم”.
رسالة إيجابية رغم الصعوبات
واختتمت: “كمان الوحش ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون شيء بسيط وإن شاء الله هخف وكل شيء هيكون تمام. الهدف من الستوري دي مش إن أي حد يقلق لأن الحمد لله هو مخلي نفسيتي كويسة وإن شاء الله الي عندي ده حقيقي. كل الي طالبه أنكم ماتحكموش علي حد من السوشيال ميديا أو من ظهوره في أي حاجة لأنها بتوري بس يمكن ٢٠٪ من حياته”.
دعوة للمساندة
ممكن يعجبك: مفاجأة توقف مسلسل جورجينا بعد تحقيق 22 مليون جنيه إسترليني!
ووجهت ملك رسالة لمتابعيها: “أدعولي أخف بسرعة وشكرًا. وأنا تمام مافيش حاجة مقلقة. أنا بس حسيت أني محتاجة أشارك الوحش بشارك الحلو مش أكتر”.