“الست شرع تكشف عن زواجها مرة واتنين وتلاتة وعشرة”… أول تعليق من الإعلامية المعروفة بعد عقد قرانها (فيديو)

نصيحة أسما شريف منير لمتابعيها بعد عقد قرانها

قدّمت الإعلامية أسما شريف منير نصيحة لمتابعيها عقب عقد قرانها الذي أُقيم أمس السبت بحضور العائلة والأصدقاء. وظهرت أسما في بث مباشر عبر حسابها على “إنستغرام”، حيث قالت: “أول حاجة أنا بشكر ربنا على كل حاجة حصلت من أول ما قابلت أحمد لحد اللحظة دي، وعايزة أشكر الناس اللي قالتلي مبروك. دي تالت جوازة ليا، وأول مرة في حياتي أحس إني عروسة. دايمًا الناس تقعد تشتم، المرة دي سبحان الله لاقيت ردود الأفعال مش طبيعية ومش مستوعبة إن ده بيحصل”.

مواضيع مشابهة: أحدث المستجدات في قضية الاغتصاب ضد سعد لمجرد وما ينتظر في المستقبل

ردود فعل إيجابية

وتابعت: “لو رجعتوا شوفتوا التعليقات على البوست كلها حلوة، ألف كومنت أكدلي إن ربنا واقف في ضهري، واللي ربنا بيحبه بيحبب فيه خلقه. والمرة دي حسيت إني عايزة كل حاجة جوايا لأن أنا شخص إندفاعي، وعشان أريد أن أوصل البنات لحاجة بعد تجارب كتيرة، ومنها مقولش حاجة سابقة أوانها فـ اتعلمت السرية والكتمان لحاجة شخصية زي دي”.

وجهة نظر حول الزواج

وأضافت: “وأنا أول فرحتي عملنا فرح كبير وقتها كان في فندق كبير وجهزنا قبلها بشهور. مفدنيش حاجة الكلام ده والفلوس كنا إحنا أولى بيها. الحاجات مش بكم الفلوس وبهرجتها، والانبساط مش بالفلوس الكتير. الصح إن الست تتجوز والمطلقة، وعشان ربنا عارف إن الست ليها احتياجاتها شرع إنها تتجوز مرة واتنين وتلاتة وعشرة ومفيش حاجة تقول عشان خلاص بقا ده نصيبك من الدنيا واقعدي بقا ربي العيال. الست ليها تركيبة معينة وليها هرمونات وليها احتياجات لازم يكون معاها راجل”.

الدعاء والتفاؤل بالمستقبل

واستكملت: “الصح إن الست تلاقي حد معاها وتدعي ربنا إنه يلاقي ليها الحد اللي يحترمها ويحتويها، وده اللي كنت بطلبه من ربنا إنه يساعدني وإني معملش حاجة تغضبه. الحاجة التانية البهرجة، والفرح يبقى عامل إزاي فـ الفكرة في إن إحنا نفضل نفكر في كل تفصيلة بزيادة محدش عارف بكرة في إيه والمستقبل في إيد ربنا”.

ممكن يعجبك: اعلان مسلسل طائر الرفراف الموسم الثالث الحلقة 75 والقنوات الناقلة له

رحلة شخصية نحو الزواج

وأضافت: “أنا الحمد لله اتجوزت، وده قرار جه بعد فترة طويلة من رحلة عشتها مع نفسي. تعلمت الكثير من التجارب التي خضتها واختيارات وصلت لها”.